Ալաշկերտը ֆանտաստիկ հաղթանակ տարավ Սեմեյում և դուրս եկավ ԿԼ որակավորման երկրորդ փուլ

Կոնֆերենցիաների լիգայի որակավորման առաջին փուլի պատասխան խաղում «Ալաշկերտն» այսօր Ղազախստանի «Սեմեյ» քաղաքում մրցել է «Ելիմայի» հետ և հետխաղյա 11- մետրանոցներով ֆանտաստիկ հաղթանակ տարել` դուրս գալով որակավործան երկրորդ փուլ:

Հանդիպման հիմնական ժամանակն ավարտվել է ոչ-ոքի՝ 1:1 հաշվով (դիմակայությունում՝ 2:2): Այսպիսով խաղը տեղափոխվել է լրացուցիչ ժամանակ:

Հանդիպման հաշիվը խաղի արդեն 4-րդ րոպեին բացել է Մոմո Տուրեն: Յոթ րոպե անց, սակայն, Ակմալ Բախտիյարովը շեշտակի հարվածով հավասարեցրել է հաշիվը: Մինչև հիմնական ժամանակի ավարտը՝ հատկապես երկրորդ խաղակեսում, «Ալաշկերտը» մի քանի գոլային պահեր է ունեցել, սակայն այդպես էլ չի կարողացել խփել հաղթական գնդակը:

Լրացուցիչ ժամանակում՝ 96-րդ րոպեին, «Ալաշկերտի» դարպասին 11-մետրանոց է նշանակվել. այն անվրեպ է իրացրել «Ելիմայի» խաղացող Խրվոե Իլիչը: Հիմնական ժամանակի վերջին վայրկյաններին «Ալաշկերտը» հավասարեցրել է հաշիվը:

Հետխաղյա 11-մետրանոց հարվածաշարն անցել է դրամատիկ պայքարում և ավարտվել երևանյան թիմի` 6:5 հաշվով հաղթանակով:

«Ալաշկերտը» ԿԼ որակավորման երկրորդ փուլում է, որտեղ կխաղա ռումինական «Կլուժի» հետ: