Փյունիկը հաղթեց նաև Երևանում և կխաղա ԿԼ որակավորման երկրորդ փուլում

Կոնֆերենցիաների լիգայի որակավորման առաջին փուլի պատասխան խաղում Երևանի «Փյունիկն» այսօր սեփական հարկի տակ ընդունեց Մալթայի «Մարսաշլոկին» և հաղթեց 1:0 հաշվով։

Հանդիպման միակ գոլը հեղինակեց Դանիիլ Կուլիկովը, որի դիպուկ հարվածը ոչ միայն հաղթանակ պարգևեց երևանյան թիմին, այլև պատմական դարձավ ակումբի համար։ Կուլիկովի գոլը «Փյունիկի» 100-րդ գոլն էր եվրագավաթային մրցաշարերում։

Հիշեցնենք, որ առաջին խաղում ևս «Փյունիկը» հաղթանակ էր տարել, և երկու հանդիպումների արդյունքում վստահորեն հաղթահարեց որակավորման առաջին փուլի արգելքը։

Կոնֆերենցիաների լիգայի որակավորման երկրորդ փուլում «Փյունիկը» կմրցի հունգարական «Դեբրեցենի» հետ։