Ըմբշամարտի Մ20 ԱԱ. Հայաստանի երկու ներկայացուցիչ այսօր կպայքարի ոսկե մեդալների համար

Հայաստանի հունահռոմեական ոճի ըմբշամարտի հավաքականի երկու անդամներ դուրս են եկել Սլովակիայի մայրաքաղաք Բրատիսլավայում ընթացող ըմբշամարտի Մ -20 տարեկանների աշխարհի առաջնության եզրափակիչ:

Այսօր երեկոյան չեմպիոնի կոչման համար կպայքարեն 77 կգ քաշային Սամվել Տերտերյանը և 87 կգ քաշային Յուրիկ Պետրոսյանը:

Սամվել Տերտերյանը պայքարը սկսել է որակավորման փուլից, որտեղ 9:0 հաշվով առավելության է հասել Եգիպտոսը ներկայացնող ըմբիշի նկատմամբ, 1/8 եզրափակչում 6:0 հաշվով հաղթանակ է տարել ԱՄՆ ներկայացուցչի նկատմամբ, ապա քառորդ եզրափակչում 5:0 հաշվով վստահ հաղթանակ է տարել հունգարացի ըմբիշի նկատմամբ, իսկ կիսաեզրափակչում 6:0 հաշվով հաղթել է վրացի Գիորգի Գոգելաշվիլիին: Եզրափակչում Տերտերյանն ուժերը կչափի ադրբեջանցի Ջավիդան Նահմատովի հետ:



Յուրիկ Պետրոսյանը պայքարը սկսել է 1/8 եզրափակչից՝ 8:0 հաշվով առավելության հասնելով Ղրղզստանի ներկայացուցչի նկատմամբ: Քառորդ եզրափակչում Պետրոսյանը 5:1 հաշվով հաղթել է իրանցի ըմբիշին, իսկ կիսաեզրափակչում 8:1 հաշվով պարտության է մատնել Լեհաստանի ներկայացուցչին: Ոսկե մեդալի համար գոտեմարտում Յուրիկ Պետրոսյանը կմրցի Ճապոնիայի ներկայացուցիչ Տաիզո Յոշիդայի հետ:



Մ20 տարեկանների աշխարհի առաջնությունում այսօր պայքարի մեջ կմտնեն՝