Նարեկ Գրիգորյանը մասնակցել է «Ֆարուլի» հաղթանակին

Ռումինիայի Սուպերլիգայի 24-րդ տուրում «Ֆարուլը», որի կազմում հանդես է գալիս Հայաստանի ազգային հավաքականի ֆուտբոլիստ Նարեկ Գրիգորյանը, 2։1 հաշվով հաղթել է Պլոեշտիի «Պետրոլուլին»։

Հայաստանի հավաքականի հարձակվող Նարեկ Գրիգորյանը մասնակցեց ամբողջ հանդիպմանը։ 

Այս հանդիպումից հետո «Ֆարուլը» 28 միավորով 11-րդն է։
 

Նշենք, որ Գրիգորյանն այս մրցաշրջանում մասնակցել է իր թիմի 23 հանդիպումներին, 22 անգամ ընդգրկվելով մեկնարկային կազմում, և դարձել 4 գոլի հեղինակ։ Հաջորդ տուրում «Ֆարուլի» մրցակիցը «Սեպսի»-ն է։ 25-րդ տուրի հանդիպումը կկայանա փետրվարի 6-ին։  

Ռումինիայի ընթացիկ առաջնության մրցաշարային աղյուսակը գլխավորում է «Ունիվերսիտատեա Կլուժը»՝ 44 միավորով։ Հիշեցնենք, որ Ունիվերսիտատեա Կլուժում» է հանդես գալիս Հայաստանի հավաքականի հարձակվող Արթուր Միրանյանը, որը վնասվածքի պատճառով բաց էր թողել «Ռապիդի» դեմ այս տուրի հանդիպումը։