Նոան հաղթեց Գանձասարին և դուրս եկավ կիսաեզրափակիչ

Հայաստանի գավաթի խաղարկության քառորդ եզրափակիչում «Նոան» հյուրընկալել էր «Գանձասարին»։

Ռուի Մոտայի սաները, որոնք դիմակայության առաջին խաղում 3։0 հաշվով առավելության էին հասել, պատասխան խաղում մրցակցի դարպասն ուղարկեցին 4 անպատասխան գնդակ։

Նախ 13-րդ րոպեին Զավեն Խուդավերդյանը բացեց հանդիպման հաշիվը, ապա 29-րդ րոպեին Մաթեյուս Այասը կրկնապատկեց իր թիմի առավելությունը։ 2-րդ կեսի վերջնամասում «Նոան» ևս 2 գնդակ ուղարկեց մրցակցի դարպասը՝ աչքի ընկան Էրալդ Չինարին և Բրունո Ալմեյդան։

Այսպիսով, «Նոան» դուրս եկավ Հայաստանի գավաթի կիսաեզրափակիչ։

Ավելի վաղ կիսաեզրափակիչի ուղեգիր էին նվաճել «Փյունիկը», «Արարատ-Արմենիան» ու «Վանը»։