Ավանդական կարատե․ Կայացել է Վիշապ ակումբի ամենամյա առաջնությունը

 Երևանի «Մխիթար Սեբաստացի» կրթահամալիրում կայացել է «Կենտրոն» ազգային ավանդական կարատե-դո ֆեդերացիայի «Վիշապ» ակումբի ամենամյա միջակումբային նախընտրական 4-րդ առաջնությունը, որի նպատակն է սկսնակ մարզիկներին ոգևորելը, մրցումներին մասնակցելու փորձ ապահովելը, իսկ փորձառու մարզիկների շրջանում ընթացիկ տարվա ուժեղագույններին հայտնաբերելը՝ նրանց միջազգային և հանրապետական մրցումներին մասնակցելու իրավունք տալու համար:

Շուրջ 14 տարի գործող «Վիշապ» ակումբի 4-րդ առաջնության կազմակերպիչներն էին ակումբի մարզիչներ՝ Եվրոպայի չեմպիոն, Հայաստանի բազմակի չեմպիոն Նարեկ Մովսիսյանը (սև գոտի, IVդան), Հայաստանի բազմակի չեմպիոն Դավիթ Մարտիրոսյանը (սև գոտի, III դան), Աշխարհի կրկնակի չեմպիոն, աշխարհի կրկնակի գավաթակիր, Եվրոպայի փոխչեմպիոն Հովհաննես Հակոբյանը (սև գոտի, III դան):

Առաջնությունն անցավ լարված և թեժ պայքարում:   Հաղթողներն իրավունք ստացան մասնակցելու մայիսին Երևանում կայանալիք «Ararat cup» միջազգային առաջնությանը, որը կազմակերպում  է «Կենտրոն» ազգային ավանդական կարատե-դո ֆեդերացիան: