Գոռ Սահակյանը՝ Եվրոպայի փոխչեմպիոն (տեսանյութ)

Ծանրամարտի Եվրոպայի առաջնությունում այսօր պայքարի դուրս եկան 73 կգ քաշային տղամարդիկ։

Եվրոպայի գործող չեմպիոն Գոռ Սահակյանը, որը նախկինում հանդես էր գալիս 67 կգ քաշային կարգում դարձավ Եվրոպայի փոխչեմպիոն։

Սահակյանը պոկում վարժությունում գրանցեց 153 կգ արդյունք, հրումում՝ 185 կգ արդյունք ու նվաճեց փոքր բրոնզե մեդալներ։ Երկամարտում Գոռը գրանցեց 338 կգ արդյունք՝ նվաճելով արծաթե մեդալ։ Եվրոպայի նորընծա փոխչեմպիոնի մոտեցումները՝ մեր տելեգրամյան ալիքում։

Եվրոպայի չեմպիոն հռչակվեց թուրք Յուսուֆ Գենչը՝ երկամարտի 348 կգ արդյունքով։

Հիշեցնենք, որ ավելի վաղ արծաթե մեդալի էր արժանացել Ալեքսանդրա Գրիգորյանը, բրոնզե մեդալի՝ Գառնիկ Չոլակյանը։

Վաղը ելույթ կունենա Ռաֆիկ Հարությունյանը՝ 81 կգ քաշային կարգում։ Մեկնարկը՝ 20։00-ին։