Գոլառատ խաղում Վանը զիջեց Արարատ-Արմենիային

Fastex Հայաստանի Պրեմիեր լիգայի 27-րդ տուրում «Վանը» Չարենցավանի «Քաղաքային» մարզադաշտում ընդունել էր «Արարատ-Արմենիային»։

Հանդիպման հաշիվը 8-րդ րոպեին բացեց Իզուչուկվու Օկոնկվոն։ 15-րդ րոպեին Մարիուս Նուբիսսին վերականգնեց հաշվի հավասարությունը։ 1-ին կեսի վերջնամասում Շիրայր Շաղոյանն առաջ մղեց «Արարատ-Արմենիային», բայց մի քանի րոպե անց Ջուլիան Բատիոնոն հաշիվը դարձրեց 2։2․

Երկրորդ կեսի մեկնարկից 3 րոպե անց Ժիրայր Շաղոյանը դուբլ ձևակերպեց՝ հաղթանակ պարգևելով «Արարատ-Արմենիային»։

Նշենք, որ «Վանի» գլխավոր մարզիչ Վահե Գևորգյանը որակազրկված էր դեղին քարտերի պատճառով ու խաղին հետևում էր տրիբունաներից։

Այս խաղից հետո «Արարատ-Արմենիան» 51 միավորով հավասարվում է «Ուրարտուին», որի հետ էլ կիսում է 2-3-րդ տեղերը։ «Վանը» 41 միավորով եզրափակում է լավագույն հնգյակը։