Գարիկ Կարապետյանը Եվրոպայի չեմպիոն է, Սիմոն Մարտիրոսյանը՝ փոխչեմպիոն (տեսանյութ)

Քիշնևում ընթացող ծանրամարտի Եվրոպայի առաջնությունում պայքարի դուրս եկան 109 կգ քաշային տղամարդիկ։

Հայաստանն այս քաշային կարգում ներկայացնում էին Սիմոն Մարտիրոսյանն ու Գարիկ Կարապետյանը։

Սիմոն Մարտիրոսյանը պոկեց 181, հրեց 225 կգ ու երկամարտի 406 կգ արդյունքով նվաճեց Եվրոպայի փոխչեմպիոնի կոչումը։ Մարտիրոսյանը փոքր արծաթե մեդալներ նվաճեց 2 վարժաձևերում էլ։

Գարիկ Կարապետյանը պոկեց 185 կգ, հրեց 226 կգ ու երկամարտի 411 կգ արդյունքով դարձավ Եվրոպայի չեմպիոն։ Եվրոպայի նորընծա չեմպիոնինն են նաև պոկումի ու հրումի փոքր ոսկիները։

Մեր ծանրորդների մոտեցումները՝ մեր տելեգրամյան ալիքում։

Հիշեցնենք, որ ավելի վաղ, Հայաստանի ներկայացուցիչներից, արծաթե մեդալի էին արժանացել Ալեքսանդրա Գրիգորյանը, Գոռ Սահակյանը, Ռաֆիկ Հարությունյանը, Աննա Ամրոյանը, բրոնզե մեդալի՝ Գառնիկ Չոլակյանը,  Դավիթ Հովհաննիսյանը։

Ժամը 21։00-ին ելույթ կունենան 87 կգ քաշային կանայք, որտեղ Հայաստանը ներկայացնում են Տաթև Հակոբյանն ու Լիանա Գյուրջյանը։