Արա Աղանյանն ու Պետրոս Պետրոսյանն ավարտեցին իրենց ելույթները ԵԱ-ում

Քիշնևում ընթացող ծանրամարտի Եվրոպայի առաջնությունում պայքարի դուրս եկան 102 կգ քաշային տղամարդիկ։

Այս քաշային կարգում Հայաստանը ներկայացնում էին Արա Աղանյանն ու Պետրոս Պետրոսյանը։

Աղանյանը պոկեց 175կգ, հրեց՝ 205կգ ու երկամարտի 380 կգ արդյունքով գրավեց 4-րդ տեղը։ Պետրոսյանը պոկեց 165, հրեց 205 ու երկամարտի 370 կգով զբաղեցրեց 5-րդ հորիզոնականը։

Եվրոպայի չեմպիոն հռչակվեց Եվգենի Ցիխանցովը։ Բելառուս մարզիկը, որը անհատական չեզոք մարզիկների դրոշի ներքո էր հանդես գալիս, պոկեց 181 կգ, հրեց 218 կգ ու երկամարտի 399 կգ արդյունքով գրավեց 1-ին տեղը։ 

Հիշեցնենք, որ ավելի վաղ, Հայաստանի ներկայացուցիչներից, արծաթե մեդալի էին արժանացել Ալեքսանդրա Գրիգորյանը, Գոռ Սահակյանը, Ռաֆիկ Հարությունյանը, Աննա Ամրոյանը, բրոնզե մեդալի՝ Գառնիկ Չոլակյանը,  Դավիթ Հովհաննիսյանը։

Ժամը 18։00-ին պայքարի մեջ կմտնեն 109 կգ քաշային տղամարդիկ։ Այս քաշային կարգում Հայաստանը ներկայացնում են Սիմոն Մարտիրոսյանն ու Գարիկ Կարապետյանը։ Մեր ծանրորդների ելույթների ուղիղ թարմացումներին հետևեք մեր տելեգրամյան ալիքում։

Լուսանկարները՝ Հայաստանի Ծանրամարտի Ֆեդերացիայի։