Ararat Cup․ Զեյթուն ակումբն ուժեղագույն կազմով կմասնակցի Երևանում կայանալիք միջազգային մրցաշարին

Մայիսի 4-ին Երևանում կկայանա ավանդական Կարատեի արդեն ավանդական դարձած Ararat Cup անվանումը կրող միջազգային մրցաշարը։ 5-րդ տարին անընդմեջ անցկացվող մրցաշարին կմասնակցեն Հայասանի, Ռուսաստանի ու Ուզբեկստանի հավաքականները։

Հայաստանի հավաքականը մրցաշարին կներկայանա ուժեղագույն կազմով։ Մրցաշարին մարտունակ կազմով կներկայանա նաև Ավանդական կարատեի Զեյթուն ակումբը, որը կունենա 42 ներկայացուցիչ՝ 39 մարզիկ և 3 մրցավար։ Զեյթուն ակումբի նախագահ Նարեկ Իսկանդարյանի գլխավորությամբ մրցաշարին կմասնակցեն   Եվրոպայի ու աշխարհի   չեմպիոններ, գավաթակիրներ ու միջազգային մրցաշարերում աչքի ընկած մի շարք մարզիկներ` այդ թվում՝ աշխարհի չեմպիոն Արթուր Ոսկանյանը, Եվրոպայի չեմպիոններ Էրիկ Հովսեփյանն ու Արման Կարախանյանը, Եվրոպայի բրոնզե մեդալակիր Սյուզաննա Հարությունյանը։  

Նախորդ տարի Զեյթուն ակումբի մարզիկները մեծ հաջողությամբ են մասնակցել Արարատ գավաթին։   

Հիշեցնենք, որ Ararat Cup   5-րդ միջազգային մրցաշարը կանցկացվի  «Նեպտուն» մարզահամալիրում։ Մրցումները կսկսվեն 10։00-ից, բացման հանդիսավոր արարողությունը կմեկնարկի 14։00-ին։