Մալխաս Ամոյանը հաղթելով թուրք ըմբիշին՝ դուրս եկավ ԱԱ-ի կիսաեզրափակիչ
Զագրեբում ընթացող ըմբշամարտի աշխարհի առաջնությունում պայքարը սկսել են հունահռոմեական ոճի ըմբիշները։
77 կգ քաշային կարգում Հայաստանը ներկայացնող Մալխաս Ամոյանը քառորդ եզրափակչում 3։1 հաշվով հաղթանակի հասավ թուրք Ահմեդ Յիլմազի նկատմամբ՝ ապահովելով կիսաեզրափակչի ուղեգիրը, որտեղ կմրցի Իրանի Իսլամական Հանրապետության ներկայացուցիչ Ալիրեզա Աբդիվալիի հետ։ Վերջինս քառորդ եզրափակչում 3։1 հաշվով առավելության հասավ ադրբեջանցի Սանան Սուլեյմանովի նկատմամբ։
Հիշեցնենք, որ հայ ըմբիշը պայքարը սկսել էր 1/16 եզրափակչից, որտեղ մրցում էր Պանամերիկյան խաղերի հաղթող, ԱՄՆ-ն ներկայացնող Քամալ Բեյի հետ ու առավելության հասավ 2։1 հաշվով։
1/8 եզրափակչում հայ ըմբիշը ջախջախիչ հաղթանակ տարավ լեհ Մատեուշ Բերնատեկի նկատմամբ՝ 9։0 հաշվով։ Տեսանյութը՝ այստեղ։ Քառորդ եզրափակչում Ամոյանի մրցակիցը թուրք Ահմեդ Յլմազն է։ Թուրք ըմբիշը 1/8-ում առավելության հասավ Բուլղարիան ներկայացնող Ստոյան Կուբատովի նկատմամբ՝ 5։3 հաշվով։
Խաչատրյանն ու Քուրդյանը դեռևս պահպանում են սփոփիչ գոտեմարտեր անցկացնելու ու բրոնզե մեդալ նվաճելու հույսերը։ Գրիգորյանին պայքարից դուրս թողած Ադլետ Տյուլուբաևը պարտվել է։
Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։
