Մալխաս Ամոյանը վստահ հաղթանակով դուրս եկավ ԱԱ-ի եզրափակիչ (տեսանյութ)
Զագրեբում ընթացող ըմբշամարտի աշխարհի առաջնությունում պայքարը սկսել են հունահռոմեական ոճի ըմբիշները։
77 կգ քաշային կարգում Հայաստանը ներկայացնող Մալխաս Ամոյանը կիսաեզրափակիչում 5։1 հաշվով առավելության հասավ Իրանի Իսլամական Հանրապետության ներկայացուցիչ Ալիրեզա Աբդևալիի նկատմամբ։ Մալխասը հաղթանակն ապահովագրեց 1-ին կեսում՝ կատարելով 4 միավորանոց գեղեցիկ հնարք։ Տեսանյութը՝ այստեղ։
Հայ ըմբիշը պայքարը սկսել էր 1/16 եզրափակչից, որտեղ մրցում էր Պանամերիկյան խաղերի հաղթող, ԱՄՆ-ն ներկայացնող Քամալ Բեյի հետ ու առավելության հասավ 2։1 հաշվով։
1/8 եզրափակչում հայ ըմբիշը ջախջախիչ հաղթանակ տարավ լեհ Մատեուշ Բերնատեկի նկատմամբ՝ 9։0 հաշվով։ Տեսանյութը՝ այստեղ։ Քառորդ եզրափակչում Ամոյանի մրցակիցը թուրք Ահմեդ Յիլմազն էր, որին Մալխասը հաղթեց 3։1 հաշվով։
