Ըմբշամարտի ԱԱ․ Կարեն Ասլանյանը պարտվեց 1/8-ում

Զագրեբում ընթացող հունահռոմեական ոճի ըմբշամարտի աշխարհի առաջնությունում պայքարի դուրս եկած 63 կգ քաշային Կարեն Ասլանյանը 1/8 եզրափակիչում մրցում էր ռուս Սերգեյ Եմելինի հետ ու պարտվեց 3։7 հաշվով։

Այսօր պայքարը սկսել են նաև 67 կգ քաշային Սլավիկ Գալստյանը, որը որակավորման փուլում մեկնարկեց վստահ հաղթանակով։ Նա 10։1 հաշվով ավարտեց ղազախ Դին Մուհամադ Կոշկարի դեմ գոտեմարտը։

87 կգ քաշային Վիգեն Նազարյանը, որը որակավորման փուլում հաղթել էր Նորվեգիան ներկայացնող ըմբիշին, 1/8-ում զիջեց ղազախ Իսլամ Եվլոևին։

Հիշեցնենք, որ այսօր երեկոյան բրոնզե մեդալի համար կպայքարի 60 կգ քաշային Հրաչյա Պողոսյանը։

Մեր մարզիկներից իրենց մրցելույթներն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանը, 97 կգ քաշային Արթուր Ալեքսանյանն ու 130 կգ քաշային Ռազմիկ Քուրդյանը։

77 կգ քաշային կարգում աշխարհի չեմպիոն է դարձել Մալխաս Ամոյանը։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։