Դիտարժան մենամարտեր և աննախադեպ շոու․ Mix Fight 58-ը Երևանում կկայանա հոկտեմբերի 24-ին
Խառը մենամարտերի Mix Fight 58 մրցաշարը կկայանա հոկտեմբերի 24-ին՝ նախկին Միկա մարզահամալիրում։ Այս մասին հայտնում է Հայաստանի Միքս Ֆայթ ֆեդերացիան։
«Հարգելի մարզասերներ,
Ուրախ ենք տեղեկացնել, որ երկար սպասված Mix Fight 58 մրցաշարը կկայանա հոկտեմբերի 24-ին՝ նախկին Միկա մարզահամալիրում
Չնայած մրցաշարը ստիպված էինք ժամանակավորապես հետաձգել միջազգային հեռարձակումների և տեխնիկական հարցերի պատճառով, այժմ Միքս Ֆայթը վերադառնում է՝ առավել հզոր մենամարտերով և աննախադեպ շոուով:
Շնորհակալ ենք ձեր համբերության և աջակցության համար»,-ասված է ֆեդերացիայի հայտարարությունում։
