Գոռ Սահակյանն ավարտեց մրցելույթներն աշխարհի առաջնությունում

Նորվեգիայի Ֆյորդե քաղաքում ընթանում է ծանրամարտի աշխարհի առաջնության 71 կգ քաշային տղամարդկանց պայքարը։

Այս քաշային կարգում Հայաստանը ներկայացնում էր Գոռ Սահակյանը, որը պոկում վարժությունում գրանցեց 154 կգ արդյունք՝ նվաճելով փոքր արծաթե մեդալ։

Հրում վարժությունում Սահակյանը ձախողեց 3 մոտեցումներն էլ։ Հայ ծանրորդը պատվիրել էր 182 կգ։

Հիշեցնենք, որ ավելի վաղ իր մրցելույթներն ավարտել էր Գառնիկ Չոլակյանը։

Աշխարհի առաջնությունում Հայաստանի հաջորդ ներկայացուցիչը Սուրեն Գրիգորյանն է՝ 88 կգ քաշային կարգում։ Գրիգորյանը մրցահարթակ դուրս կգա հոկտեմբերի 7-ին։ Մեր բոլոր ներկայացուցիչների մրցելույթների ժամանակացույցին ծանոթացեք այստեղ։

ԱԱ-ում հայ ծանրորդների մրցելույթների ուղիղ թարմացումներին հետևեք Sportmedia.am-ի տելեգրամյան ալիքում։