Միհրան Հարությունյանը 3 տարվա դադարից հետո վերադարձել է օկտագոն և հաղթանակ տարել MMA-ում
Հունահռոմեական ոճի ըմբշամարտում Օլիմպիական խաղերի արծաթե մեդալակիր Միհրան Հարությունյանը հաղթանակ է տարել ԱՄՆ-ի Լոս Անջելես քաղաքում անցկացված MMA-ի UpNextFighting 30 մրցաշարում։
Նա մրցել է ամերիկացի Շեյն Տորեսի հետ և հաղթել մրցավարների միաձայն որոշմամբ։ Մենամարտը դադարեցվել է չորրորդ ռաունդում։
«Հաղթանակը հեշտ չտրվեց, քանի որ երկար ժամանակ չէի մասնակցել մրցումների և փաստացի զբաղվում էի միայն երեխաների հետ աշխատանքով։ Այս հաղթանակի համար շնորհակալ եմ իմ թիմին, մարզիկներին և մենեջերիս, ով ինձ հնարավորություն տվեց մասնակցելու այս մենամարտին», ասել է Հարությունյանը։
Հարությունյանը MMA-ում ընդհանուր առմամբ անցկացրել է 8 մենամարտ, որոնցից հաղթել է 7-ում և կրել մեկ պարտություն։ Նրա նախորդ մենամարտը տեղի է ունեցել 2023 թվականի օգոստոսի 22-ին:
