Ռեալը հայտարարել է վնասվածք ստացած հերթական ֆուտբոլիստի մասին

Մադրիդի «Ռեալի» պաշտոնական կայքը հայտնել է կիսապաշտպան Դանի Սեբալյոսի վնասվածքի մասին։

«Բուժզննումներից հետո Դանի Սեբալյոսի մոտ ախտորոշվել է աջ ոտքի սրունքի մկանային վնասվածք։ Նրա վերականգնման գործընթացը կլինի բժիշկների վերահսկողության տակ», — նշված է «արքայական ակումբի» հայտարարության մեջ։

Փետրվարի 21-ին Սեբալյոսը մասնակցել էր Լա Լիգայի 25-րդ տուրի «Օսասունայի» դեմ խաղին (2:1)։

Ավելի վաղ՝ փետրվարի 20-ին, «Ռեալը» տեղեկացրել էր նաև կենտրոնական պաշտպան Դին Հոյսենի վնասվածքի մասին։

Ընթացիկ մրցաշրջանում Սեբալյոսը, բոլոր մրցաշարերում, մասնակցել է 22 հանդիպման՝ առանց արդյունավետ գործողությունների։ Ֆուտբոլիստի պայմանագիրը ակումբի հետ ուժի մեջ է մինչև 2027 թվականի ամառը։ Transfermarkt-ի տվյալներով՝ նրա տրանսֆերային արժեքը կազմում է 8 միլիոն եվրո։