Շատ տարօրինակ, բայց հետաքրքիր խաղ էր․ Ռոբերտ Արզումանյանը՝ Արարատի դեմ գավաթային հանդիպման մասին

Հայաստանի գավաթի խաղարկության քառորդ եզրափակիչի «Արարատ»-«Ուրարտու» (0։3) դիմակայության առաջին խաղից հետո «Ուրարտուի» գլխավոր մարզիչ Ռոբերտ Արզումանյանը խոսել է հանդիպման մասին․

«Խաղը, եթե մեկ բառով փորձեմ բնութագրել, երևի շատ տարօրինակ էր, բայց հետաքրքիր։ Ինձ դուր եկավ, այն առումով, որ ֆուտբոլը քիչ էր, բայց դա մրցակիցն էր թելադրում՝ հատկապես 1-ին կեսում փորձում էին կոտրել խաղը՝ նաև գնդակով ու ժամանակ ձգելով։ Իրենց մարտավարությունն էր դա, միանգամից պարզ երևաց։ Մենք ունեցանք խնդիրներ այդ առումով, դա մեզ համար անհարմար էր, տարօրինակ, բայց 2-րդ կեսում որոշակի փոփոխություններ կատարեցինք, թե՛ գնդակով, թե՛ առանց գնդակ խաղի մեջ ու ադապտացվեցինք։ «Այսպես պետք է խաղանք հաղթենք, այսպես կխաղանք հաղթենք» սկզբունքով ու հասանք մեր նպատակին։ Շնորհավորում եմ մեր ֆուտբոլիստներին»,-նշել է Արզումանյանը։

Հանդիպման մասին իր կարծիքն է արտահայտել նաև «Արարատի» գլխավոր մարզիչ Ռիկարդո Դիոնիսոն։ Ընթերցեք այստեղ։