Սամվել Տերտերյանը՝ Եվրոպայի Մ23 փոխչեմպիոն

Սերբիայի Զրենյանին քաղաքում ընթացող Մ23 տարեկանների Եվրոպայի առաջնությունում 77 կգ քաշային Սամվել Տերտերյանը նվաճեց արծաթե մեդալ։

Եզրափակիչ գոտեմարտում Տերտերյանը մրցում էր Ռուսաստանը ներկայացնող Դանիլ Գրիգորևի հետ։ Գոտեմարտն ավարտվեց 1։1 հաշվով։

Մինչ եզրափակիչ հասնելը Տերտերյանը պայքարից դուրս էր թողել Հունգարիայի (1:1), Ուկրաինայի (9:3) և Մոլդովայի (1:1) ներկայացուցիչներին։

Ավելի վաղ, հունահռոմեական ոճում բրոնզե մեդալ էր նվաճել 55 կգ քաշային Մանվել Խաչատրյանը։

Քիչ անց ոսկե մեդալի համար կպայքարի 130 կգ քաշային Արամայիս Հարությունյանը։

Այսօր պայքարի մեջ մտած 5 հայ ըմբիշներից Սուրեն Աղաջանյանը վաղը կպայքարի ոսկու, իսկ Յուրիկ Հովեյանն ու Աշոտ Խաչատրյանը՝ բրոնզի համար։