Իտալական ֆուտբոլը կորցրել է իր հիմքերը․ Անչելոտին խիստ գնահատական է տվել իտակական ֆուտբոլի խնդիրներին
Բրազիլիայի ազգային հավաքականի գլխավոր մարզիչ Կառլո Անչելոտին խոսել է իտալական ֆուտբոլի խնդիրների մասին։
«Գլխավոր տարբերությունը տեմպի մեջ է՝ ոչ միայն խաղային կամ շարժման արագության, այլև մտածելակերպի՝ մշտական ներգրավվածության և ինտենսիվության մեջ։ Այն դատարկ բառ չէ և չի կարող դրսևորվել միայն հանդիպման առանձին դրվագներում։ Իտալական ֆուտբոլը կորցրել է հենց դա։
Այն կորցրել է նաև պաշտպանությունում հուսալիությունը։ Մենք առանց այդ էլ մյուս գոտիներում մեծ թվով տաղանդներ չունենք, բայց խաղի տակտիկական կողմի նկատմամբ չափազանց մեծ վերահսկողությունը խեղաթյուրել է մեր առանձնահատկությունները՝ այն հիմքերը, որոնց վրա մենք միշտ կառուցել ենք մեր պատմությունը։
Աստղերն այլևս չեն գալիս Իտալիա։ Արտասահմանում, խոշոր հեռուստատեսային պայմանագրերի և հզոր ներդրողների շնորհիվ, ձևավորվել է ավելի գրավիչ շուկա, հետևաբար, Ա Սերիայում այլևս չկան համաշխարհային մակարդակի խաղացողներ, ինչպիսիք էին Ֆալկաոն, Մարադոնան, Պլատինին, Կրոլը, Ռումենիգեն, Ռոնալդոն, Ռոնալդինյոն և շատ ուրիշներ։ Այդ դեպքում ումի՞ց պետք է սովորեն երիտասարդ իտալացիները»,-ասել է Անչելոտին։
