ԵԱ․ Յայլյանն ու Գրիգորյանն ավարտեցին մրցելույթները

Վրաստանի Բաթումի քաղաքում մեկնարկել է ծանրամարտի Եվրոպայի առաջնությունը։

Մրցումային առաջին օրը, 53 կգ քաշային կարգում, Հայաստանի ներկայացուցիչներից մրցահարթակ դուրս եկան Իզաբելլա Յայլյանն ու Տանզելա Գրիգորյանը։

Յայլյանը պոկում վարժությունում հաջողեց 3 մոտեցումներից 2-ը և 80 կգ արդյունքով 5-րդն էր։ Հրումում Իզաբելլան հաջողեց միայն 2-րդ մոտեցումը՝ գլխավերևում պահելով 95 կգ։ Երկամարտի 175 կգ արդյունքով Յայլյանը գրավեց 9-րդ տեղը։

Տանզելա Գրիգորյանը պոկում վարժությունում հաջողեց առաջին ու երկրորդ մոտեցումներն ու գլխավերևում պահեց 78 կգ զբաղեցնելով վարժության 9-րդ տեղը։ Հրում վարժությունում Գրիգորյանը գրանցեց 101 կգ արդյունք ու 7-րդն էր։ Երկամարտի հաշվարկով հայ մարզուհին 179 կգ արդյունքով 6-րդն է։

Այս քաշային կարգում հաղթող դարձավ բելգիացի Նինա Ստերքսը՝ գրանցելով 210 (94+116) կգ արդյունք։

Հայ ծանրորդների ելույթների ժամանակացույցին ծանոթացեք այստեղ։

53 կգ քաշային կանանց վերջնական արդյունքները