Նոան ջախջախեց Ուրարտուին, նորընծա չեմպիոնն ու Փյունիկը հաղթեցին․ Fastex ՊԼ-ն ավարտված է

Ավարտվեց Fastex Պրեմիեր լիգայի 2025/26 մրցաշրջանը։

Վերջին՝ 27-րդ տուրում նորընծա չեմպիոն «Արարատ-Արմենիան» նվազագույն հաշվով հաղթեց «Գանձասարին»՝ Ժիրայր Շաղոյանի 42-րդ րոպեին խփած գոլի շնորհիվ։

«Փյունիկը» 2։1 հաշվով կամային հաղթանակ տոնեց «Վանի» նկատմամբ։ 2-րդ րոպեին Պետրոս Ավետիսյանն առաջ մղեց «Վանին»։ 21-րդ րոպեին Խավիեր Մորենոն դիպուկ իրացրեց 11-մետրանոցը՝ վերականգնելով հաշվի հավասարությունը։ 84-րդ րոպեին Ֆելիպե Ալմեյդան հաղթանակ պարգևեց երևանյան ակումբին։

«Նոան» հյուրընկալվել էր «Ուրարտուին» ու ջախջախեց 5։0 հաշվով։ Արդեն 2-րդ րոպեին Գոռ Մանվելյանը բացեց խաղի հաշիվը։ Ընդամենը 3 րոպե անց Նաթանայել Սաինտինին մեծացրեց «Նոայի» առավելությունը։ 2-րդ կեսում Սանդրո Պերկովիչի գլխավորած թիմն աչքի ընկավ ևս 3 անգամ։ Նախ 59-րդ րոպեին Մարին Յակոլիշի փոխանցումից աչքի ընկավ Արամ Խամոյանը, ապա 75-րդ րոպեին Խամոյանի փոխանցումից՝ Յակոլիշը։ Հանդիպման վերջակետը դրեց Գուստավո Սանգարեն՝ 78-րդ րոպեին։

Հիշեցնենք, որ տուրի մյուս խաղերում «Ալաշկերտը» 2 անպատասխան գնդակ էր ուղարկել «Շիրակի» դարպասը, իսկ ԲԿՄԱ-ն ու «Արարատը» փոխանակվել էին 1-ական գոլով։

Մրցաշարային աղյուսակի վերջնական տեսքը․