Աննա Ամրոյանը՝ Եվրոպայի փոխչեմպիոն (տեսանյութ)

Քիշնևում ընթացող ծանրամարտի Եվրոպայի առաջնությունում պայքարի դուրս եկան 76 կգ քաշային կանայք։

Այս քաշային կարգում Հայաստանը ներկայացնում էին 2 ծանրորդուհի։ 

Միլենա Խաչատրյանը պոկումում գրանցեց 95 կգ արդյունք, հրումում՝ 131 կգ և նվաճեց փոքր արծաթե մեդալ։ Երկամարտում Խաչատրյանը 5-րդն էր։

Աննա Ամրոյանը պոկեց 100 կգ, հրեց՝ 131 կգ ու երկամարտի 231 կգ արդյունքով դարձավ Եվրոպայի փոխչեմպիոն։ Ամրոյանը նվաճեց նաև փոքր բրոնզե մեդալ հրում վարժությունում։

Այս քաշային կարգում Եվրոպայի չեմպիոն հռչակվեց Իտալիան ներկայացնող Տոկո Կենեն, որը պոկեց 100 կգ, հրեց՝ 133 կգ։ Կենեն նաև չեմպիոն էր հռչակվել նախորդ տարի՝ Բուլղարիայում կայացած առաջնության ժամանակ։

Մեր մարզիկների մոտեցումներն ու ուղիղ թարմացումները՝ այստեղ։

Հիշեցնենք, որ ավելի վաղ արծաթե մեդալի էին արժանացել Ալեքսանդրա Գրիգորյանը, Գոռ Սահակյանը, բրոնզե մեդալի՝ Գառնիկ Չոլակյանը։

Վաղը ելույթ կունենան Էմմա Պողոսյանն ու Մարգարիտա Առաքելյանը՝ 81 կգ քաշային կարգում (մեկնարկը՝ 17։00-ին) և Դավիթ Հովհաննիսյանը՝ 96 կգ քաշային կարգում (մեկնարկը՝ 20։00-ին)։ Մեր մյուս ծանրորդների ելույթների ժամանակացույցը՝ այստեղ։