Ծանրամարտի Հայաստանի պատանիների հավաքականն աշխարհի առաջնության մեդալային հաշվարկում երկրորդն է
Պերուի մայրաքաղաք Լիմայում կայացած պատանիների աշխարհի առաջնության մեդալային հաշվարկում Հայաստանի ընտրանին 4 ոսկե ու մեկ արծաթե մեդալով երկրորդ տեղում է: Առաջինը Մոլդովան է` 4 ոսկե, 1 արծաթե ու 1 բրոնզե մեդալով:
Հիշեցնենք` պատանիների աշխարհի առաջնությունում Հայաստանի հավաքականից Գրիգոր Ղազարյանը դարձավ աշխարհի առաջնության չեմպիոն` ոսկե մեդալներ նվաճելով պոկում ու հրում վարժություններում:
Աշխարհի փոխչեմպիոն դարձավ Հարություն Հովհաննիսյանը, որը երկամարտում նվաճեց արծաթե մեդալ, իսկ պոկում վարժությունում արժանացավ ոսկու:
