Նոան ներկայացրեց նոր գլխավոր մարզիչին

Հայաստանի գործող չեմպիոն «Նոան» ներկայացրեց նոր գլխավոր մարզիչին։

Ինչպես արդեն տեղեկացրել էինք, «Նոայի» արդեն նախկին գլխավոր մարզիչ Ռուի Մոտան ստանձնել է բուլղարական «Լուդոգոդեցի» ղեկը։

Նրան փոխարինելու է եկել 41-ամյա խորվաթ մասնագետ Սանդրո Պերկովիչը։

Պերկովիչը 2024-25 մրցաշրջանի երկրորդ հատվածում գլխավորել է Զագրեբի «Դինամոն», ինչպես նաև մարզել է լատվիական «Ռիգան» և ավստրիական «Շտուրմի» երիտասարդական թիմը։

Նախորդող 3 մրցաշրջանն ընդգրկված է եղել Զագրեբի «Դինամոյի» մարզչական շտաբում՝ որպես գլխավոր մարզչի օգնական։ Սանդրո Պերկովիչն աշխատել է այնպիսի մարզիչների շտաբներում, ինչպիսիք են Ֆաբիո Կանավարոն, Սերգեյ Յակիրովիչը և Նենադ Բյելիցան։

Խորվաթիայի ամենատիտղոսակիր թիմի հետ մասնագետը դարձել է երկրի եռակի չեմպիոն, մեկական անգամ նվաճել է Գավաթը և Սուպերգավաթը։

Որպես գլխավոր մարզչի օգնական, ընդգրկված է եղել կիպրական «Պաֆոսի» գլխավոր թիմի և Զագրեբի «Դինամոյի» երիտասարդական թիմի մարզչական շտաբներում։