Պողոսյանն ու Խաչատրյանը կպայքարեն բրոնզե մեդալի համար․ Ալեքսանյանին պայքարից դուրս թողած ըմբիշը զիջեց Սարգսյանին

Զագրեբում ընթացող ըմբշամարտի աշխարհի առաջնությունում Հայաստանը ներկայացնող 60 կգ քաշային Հրաչյա Պողոսյանն ու 72 կգ քաշային Գոռ Խաչատրյանը շարունակում են պահպանել բրոնզե մեդալ նվաճելու շանսերը։

Հրաչյա Պողոսյանին պայքարից դուրս թողած Ալիշեր Գանիևը, իսկ Խաչատրյանին հաղթած Իբրահիմ Գանեմը հասան մինչև եզրափակիչ, ինչը մեր ըմբիշներին թույլ տվեց անցկացնելու սփոփիչ գոտեմարտեր, որոնցում հաջողելու դեպքում անցկացնել «բրոնզե» եզրափակիչ։

97 կգ քաշային Արթուր Ալեքսանյանին պայքարից դուրս թողած ադրբեջանցի Մուրադ Ահմադիևը կիսաեզրափակիչում զիջեց Ռուսաստանը ներկայացնող Արթուր Սարգսյանին։

Սփոփիչ գոտեմարտերը կկայանան վաղը։

Հիշեցնենք, որ ավելի վաղ, Հայաստանի ներկայացուցիչներից պայքարից դուրս էին մնացել 55 կգ քաշային Մանվել Խաչատրյանը, 82 կգ քաշային Սամվել Գրիգորյանն ու 130 կգ քաշային Ռազմիկ Քուրդյանը։

77 կգ քաշային Մալխաս Ամոյանն էլ կպայքարի ոսկե մեդալի համար։