Մ23 ԵԱ․ Աշոտ Խաչատրյանը պարտվեց բրոնզե մեդալի համար պայքարում

Սերբիայի Զրենյանին քաղաքում ընթացող Մ23 տարեկանների Եվրոպայի առաջնությունում 72 կգ քաշային Աշոտ Խաչատրյանը բրոնզե մեդալի համար գոտեմարտում 1։4 հաշվով զիջեց Հունաստանը ներկայացնող Արիոնաս Կոլիցոպուլուսին։

Հայ ըմբիշը մեկնարկել էր 1/8 եզրափակիչից, որտեղ 10։0 հաշվով հաղթել էր թուրք Մուհամմադ Ալի Գոչմենին։ Քառորդ եզրափակիչում Խաչատրյանը 2։8 հաշվով զիջել էր Ֆինլանդիայի ներկայացուցչին, իսկ սփոփիչ գոտեմարտում առավելության էր հասել Շվեյցարիան ներկայացնող ըմբիշի նկատմամբ։

Քիչ անց Եվրոպայի չեմպիոնի կոչման համար կգոտեմարտի 60 կգ քաշային Սուրեն Աղաջանյանը։

Ավելի վաղ, հունահռոմեական ոճում ոսկե մեդալակիրներ էին դարձել 130 կգ քաշային Արամայիս Հարությունանը, 60 կգ քաշային Սուրեն Աղաջանյանը։ Արծաթե մեդալ էր նվաճել 77 կգ քաշային Սամվել Տերտերյանը, բրոնզե մեդալ՝ 55 կգ քաշային Մանվել Խաչատրյանը։