Ռաֆիկ Հարությունյանը՝ Եվրոպայի փոխչեմպիոն (տեսանյութ)

Քիշնևում ընթացող ծանրամարտի Եվրոպայի առաջնությունում պայքարի դուրս եկան 81 կգ քաշային տղամարդիկ։

Այս քաշային կարգում Հայաստանը ներկայացնող Ռաֆիկ Հարությունյանը դարձավ Եվրոպայի փոխչեմպիոն։

Հարությունյանը պոկում վարժությունում գրանցեց 158 կգ արդյունք՝ նվաճելով փոքր արծաթե մեդալ, հրումում՝ 185 կգ արդյունք։ Այս վարժությունում հայ ծանրորդը 4-րդն էր։ Երկամարտում Հարությունյանը գրանցեց 343 կգ արդյունք՝ նվաճելով արծաթե մեդալ։ Եվրոպայի նորընծա փոխչեմպիոնի մոտեցումները՝ մեր տելեգրամյան ալիքում։

Եվրոպայի չեմպիոն հռչակվեց իտալացի Օսկար Մարտինես Ռեյեսը՝ երկամարտի 349 կգ արդյունքով։

Հիշեցնենք, որ ավելի վաղ արծաթե մեդալի էին արժանացել Ալեքսանդրա Գրիգորյանը, Գոռ Սահակյանը, բրոնզե մեդալի՝ Գառնիկ Չոլակյանը։

Վաղը ելույթ կունենան Մնացական Աբրահամյանը՝ 89 կգ քաշային կարգում (մեկնարկը 17։00-ին), Աննա Ամրոյանն ու Միլենա Խաչատրյանը՝ 76 կգ քաշային կարգում (մեկնարկը 20։00-ին)։ Մեր մյուս ծանրորդների ելույթների ժամանակացույցը՝ այստեղ։