Գրիգոր Ղազարյանը՝ պատանիների աշխարհի չեմպիոն (տեսանյութ)

Լիմայում շարունակվում է պատանիների ու երիտասարների ծանրամարտի Աշխարհի առաջնությունը։

Պայքարը այսօր սկսեցին 96 կգ քաշային տղամարդիկ, որտեղ Հայաստանը ներկայացնում էր Գրիգոր Ղազարյանը։

Ղազարյանը պոկեց 145 կգ, հրեց 185 կգ՝ հաջողելով բոլոր 6 մոտեցումները։ Թե՛ առանձին վարժաձևերում, թե՛ երկամարտում Ղազարյանը նվաճեց ոսկե մեդալ։ Տեսանյութը՝ այստեղ։

Պատանի ծանրորդը հանդես էր գալիս B ենթախմբում, իսկ A խմբում հանդես եկող պատանիներ չկան, ինչը նշանակում է, որ Ղազարյանը հռչակվում է Աշխարհի չեմպիոն։

Հիշեցնենք, որ ավելի վաղ, Աշխարհի երիտասարդների բրոնզե մեդալակիր էր դարձել Ալեքսանդրա Գրիգորյանը, որը փոքր ոսկի էր նվաճել հրումում։