Գոռ Խաչատրրյանը մեկնարկում է վստահ հաղթանակով (տեսանյութ)

Զագրեբում շարունակվում է ըմբշամարտի հունահռոմեական ոճի աշխարհի առաջնությունը։

72 կգ քաշային կարգում Հայաստանը ներկայացնող Գոռ Խաչատրյանը որակավորման փուլում 8։0 հաշվով հաղթանակի հասավ Հոնդուրասը ներկայացնող Լուիզ Ռոչեսի նկատմամբ (տեսանյութը՝ այստեղ)՝ դուրս գալով 1/8 եզրափակիչ, որտեղ կմրցի Ֆրանսիայի ներկայացուցիչ, Եվրոպայի գործող չեմպիոն, աշխարհի 2023 թվականի առաջնության հաղթող, Իբրահիմ Գանեմի դեմ։ Վերջինս որակավորման փուլում 4։0 հաշվով առավելության է հասել ԱՄՆ-ն ներկայացնող Ալեխանդրո Սանչոյի նկատմամբ։

Այսօր պայքարի մեջ կմտնեն նաև 60 կգ քաշային Հրաչյա Պողոսյանն ու 97 կգ քաշային Արթուր Ալեքսանյանը։

Հունահռոմեական ոճում Հայաստանի հավաքականից պայքարն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանն ու 130 կգ քաշային Ռազմիկ Քուրդյանը։

Հիշեցնենք, որ այսօր ոսկե մեդալի համար կպայքարի 77 կգ քաշային Մալխաս Ամոյանը՝ եզրափակիչում մրցելով Օլիմպիական խաղերի չեմպիոն, ճապոնացի Նաո Կուսակայի դեմ։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։