Հրաչյա Պողոսյանը փայլուն հաղթանակով դուրս եկավ 1/8 եզրափակիչ (տեսանյութ)

Զագրեբում շարունակվում է ըմբշամարտի հունահռոմեական ոճի աշխարհի առաջնությունը։

60 կգ քաշային կարգում Հայաստանը ներկայացնող Հրաչյա Պողոսյանը որակավորման փուլում մրցում էր ուկրաինացի Վլադիսլավ Կուզկոյի հետ և հաղթանակի հասավ 9։0 հաշվով։ Տեսանյութը՝ այստեղ։ 

Պողոսյանը դուրս եկավ 1/8 եզրափակիչ, որտեղ կմրցի ուզբեկ, 20-ամյա Ալիշեր Գալիևի հետ, որը 2024-ի աշխարհի Մ23 չեմպիոնն է։

Այսօր պայքարի մեջ մտած 72 կգ քաշային Գոռ Խաչատրյանը ևս մեկնարկել է հաղթանակով։ Քիչ անց ԱԱ-ում իր ճանապարհը կսկսի 97 կգ քաշային Արթուր Ալեքսանյանը։

Հունահռոմեական ոճում Հայաստանի հավաքականից պայքարն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանն ու 130 կգ քաշային Ռազմիկ Քուրդյանը։

Հիշեցնենք, որ այսօր ոսկե մեդալի համար կպայքարի 77 կգ քաշային Մալխաս Ամոյանը՝ եզրափակիչում մրցելով Օլիմպիական խաղերի չեմպիոն, ճապոնացի Նաո Կուսակայի դեմ։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։