Սուրեն Գրիգորյանն ավարտեց մրցելույթները ծանրամարտի աշխարհի առաջնությունում

Նորվեգիայի Ֆյորդե քաղաքում ընթանում է ծանրամարտի աշխարհի առաջնության 88 կգ քաշային տղամարդկանց պայքարը։

Այս քաշային կարգում Հայաստանը ներկայացնում էր Սուրեն Գրիգորյանը, որը պոկում վարժությունում գրանցեց 160 կգ արդյունք։

Գրիգորյանը ձախողեց հրումի բոլոր մոտեցումներն ու չկարողանալով գլխավերևում պահել 195 կիլոգրամանոց ծանրաձողը՝ մնաց առանց երկամարտի արդյունքի։

Առանց երկամարտի արդյունքի մնաց նաև Բոսնիա ու Հերցեգովինան ներկայացնող Անդրանիկ Կարապետյանը։ Վերջինս 2 անգամ չկարողացավ պոկել 168 կիլոգրամանոց ծանրաձող, ապա 173 կիլոգրամանոցն ու հրաժարվեց մասնակցել հրում վարժությանը։

Հիշեցնենք, որ ավելի վաղ իրենց մրցելույթներն ավարտել էին Գառնիկ Չոլակյանն ու Գոռ Սահակյանը։ Վերջինս ևս ձախողել էր հրումի բոլոր մոտեցումները, սակայն պոկումում նվաճել էր փոքր արծաթե մեդալ։

Հայաստանի հաջորդ ներկայացուցիչը ց 77 կգ քաշային Աննա Ամրոյանն է, որը հանդես կգա B խմբում։ 

Մեր բոլոր ներկայացուցիչների մրցելույթների ժամանակացույցին ծանոթացեք այստեղ։

ԱԱ-ում հայ ծանրորդների մրցելույթների ուղիղ թարմացումներին հետևեք Sportmedia.am-ի տելեգրամյան ալիքում։