Էմմա Պողոսյանն ու Մարգարիտա Առաքելյանն ավարտեցին մրցելույթները Եվրոպայի առաջնությունում

Քիշնևում շարունակվում է ծանրամարտի Եվրոպայի առաջնությունը։

Այսօր պայքարի էին դուրս եկել 81 կգ քաշային կանայք, որտեղ Հայաստանն ուներ 2 ներկայացուցիչ։

Մարգարիտա Առաքելյանը գրանցեց 95+116 կգ արդյունք և երկամարտի 211 կգ արդյունքով 11-րդն է։

Էմմա Պողոսյանը 100+130 կգ արդյունքով գրավեց 5-րդ տեղը։ 

Ժամը 20։00-ին պայքարը կսկսեն 96 կգ տղամարդիկ, որտեղ Հայաստանը ներկայացնելու է Դավիթ Հովհաննիսյանը։

Հիշեցնենք, որ ավելի վաղ արծաթե մեդալի էին արժանացել Ալեքսանդրա Գրիգորյանը, Գոռ Սահակյանը, Ռաֆիկ Հարությունյանը, Աննա Ամրոյանը, բրոնզե մեդալի՝ Գառնիկ Չոլակյանը։

Լուսանկարը՝ Հայաստանի Ծանրամարտի Ֆեդերացիայի։