Արթուր Ալեքսանյանը վստահ հաղթանակով դուրս է գալիս ԱԱ-ի քառորդ եզրափակիչ, որտեղ կմրցի ադրբեջանցու հետ

Զագրեբում շարունակվում է ըմբշամարտի հունահռոմեական ոճի աշխարհի առաջնությունը։

97 կգ քաշային կարգում Հայաստանը ներկայացնող Արթուր Ալեքսանյանը 1/8 եզրափակիչում մրցում էր չինացի Վան Ցզեգանի հետ ու հաղթելով 5։1 հաշվով՝ դուրս եկավ քառորդ եզրափակիչ, որտեղ կմրցի Ադրբեջանը ներկայացնող Մուրադ Ահմադիևի հետ։ Վերջինս, 1/8-ում առավելության է հասել ղրղզ Ուզուր Ջուզուբպեկովի նկատմամբ։

Հունահռոմեական ոճում Հայաստանի հավաքականից պայքարն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանն ու 130 կգ քաշային Ռազմիկ Քուրդյանը։

Հիշեցնենք, որ այսօր ոսկե մեդալի համար կպայքարի 77 կգ քաշային Մալխաս Ամոյանը՝ եզրափակիչում մրցելով Օլիմպիական խաղերի չեմպիոն, ճապոնացի Նաո Կուսակայի դեմ։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։