Ըմբշամարտի ԱԱ․ Պողոսյանն ու Խաչատրյանը զիջեցին 1/8-ում

Զագրեբում շարունակվում է հունահռոմեական ոճի ըմբշամարտի աշխարհի առաջնությունը։

60 կգ քաշային կարգում Հայաստանը ներկայացնող Հրաչյա Պողոսյանը, որը որակավորման փուլու հաղթել էր ուկրաինացի ըմբիշին, 1/8-ում զիջեց աշխարհի մինչև 23 տարեկանների չեմպիոն, ուզբեկ, Ալիշեր Գանիևին։

72 կգ քաշային Գոռ Խաչատրյանը ևս վստահ հաղթանակով էր մեկնարկել որակավորման փուլում, սակայն 1/8-ում պարտվեց Եվրոպայի գործող չեմպիոն, աշխարհի 2023 թվականի առաջնության հաղթող, ֆրանսիացի Իբրահիմ Գանեմին։

Գանիևի ու Գանեմի եզրափակիչ դուրս գալու դեպքում Պողոսյանն ու Խաչատրյանն իրավունք կստանան անցկացնելու սփոփիչ գոտեմարտեր, որտեղ հաջողելուց հետո՝ կպայքարեն բրոնզե մեդալի համար։

Հունահռոմեական ոճում Հայաստանի հավաքականից պայքարն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանն ու 130 կգ քաշային Ռազմիկ Քուրդյանը։

Հիշեցնենք, որ այսօր ոսկե մեդալի համար կպայքարի 77 կգ քաշային Մալխաս Ամոյանը՝ եզրափակիչում մրցելով Օլիմպիական խաղերի չեմպիոն, ճապոնացի Նաո Կուսակայի դեմ։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։