Աննա Ամրոյանն ավարտեց մրցելույթներն աշխարհի առաջնությունում

Նորվեգիայի Ֆյորդե քաղաքում ընթանում է ծանրամարտի աշխարհի առաջնության 77 կգ քաշային կանանց պայքարը:

Այս քաշային կարգում Հայաստանը ներկայացնում էր Աննա Ամրոյանը, որը հանդես եկավ B խմբում։

Եվրոպայի գործող փոխչեմպիոնը 6 մոտեցումից հաջողեց 2-ը՝ յուրաքանչյուր վարժությունում 1-ական։

Աննա պոկեց 100 կգ, հրեց 130 կգ-ն ու երկամարտի 230 կգ արդյունքով B խմբում գրավեց 4-րդ հորիզոնականը։ Այս խմբում հաղթող ճանաչվեց Բրազիլիան ներկայացնող Լաուրա Ամարոն՝ երկամարտի 246 կգ արդյունքով Քիչ անց կմեկնարկի A խմբի պայքարը։

Հիշեցնենք, որ Աննա Ամրոյանը կանանց հավաքականի միակ ներկայացուցիչն էր ծանրամարտի աշխարհի այս առաջնությունում։

Տղամարդկանց հավաքականից ավելի վաղ իրենց մրցելույթներն ավարտել էին Գառնիկ Չոլակյանը,  Գոռ Սահակյանն ու Սուրեն Գրիգորյանը։ 

Հայաստանի հաջորդ ներկայացուցիչները մրցահարթակ դուրս կգան հոկտեմբերի 10-ին։ 110 կգ քաշային կարգում լավագույն կոչման համար կպայքարեն Գարիկ Կարապետյանն ու Սիմոն Մարտիրոսյանը։

Մեր բոլոր ներկայացուցիչների մրցելույթների ժամանակացույցին ծանոթացեք այստեղ։

ԱԱ-ում հայ ծանրորդների մրցելույթների ուղիղ թարմացումներին հետևեք Sportmedia.am-ի տելեգրամյան ալիքում։