Գարիկ Կարապետյանը նվաճեց փոքր բրոնզե մեդալ․ Սիմոն Մարտիրոսյանը 0 ստացավ

Նորվեգիայի Ֆյորդե քաղաքում ավարտվեց ծանրամարտի աշխարհի առաջնության 110 կգ քաշային տղամարդկանց պայքարը:

Այս քաշային կարգում Հայաստանը ներկայացնում էին Գարիկ Կարապետյանն ու Սիմոն Մարտիրոսյանը։

Գարիկ Կարապետյանը պոկեց 187 կգ՝ նվաճելով փոքր բրոնզե մեդալ։ Հրումում հայ ծանրորդը գրանցեց 220 կգ արդյունք ու երկամարտի 407 կգ արդյունքով գրավեց 4-րդ տեղը։

Սիմոն Մարտիրոսյանը 0 ստացավ պոկումում ու հրաժարվեց մասնակցել հրում վարժությանը։

Այս քաշային կարգում աշխարհի չեմպիոն դարձավ ուզբեկ Ակբար Ջուրաևը՝ երկամարտի 428 կգ արդյունքով։

Հիշեցնենք, որ ավելի վաղ Հայաստանի ներկայացուցիչներից պայքարն ավարտել էին Գառնիկ Չոլակյանը,  Գոռ Սահակյանը, Սուրեն Գրիգորյանն ու Աննա Ամրոյանը։

Վաղը 110 կգ+ քաշայինների պայքարով կավարտվի աշխարհի առաջնությունը։ Այդ քաշային կարգում Հայաստանը ներկայացնում է Վարազդատ Լալայանը։

ԱԱ-ում հայ ծանրորդների մրցելույթների ուղիղ թարմացումներին հետևեք Sportmedia.am-ի տելեգրամյան ալիքում։