Էմմա Պողոսյանը շրջանցելով թուրք մարզիկներին՝ դարձավ Եվրոպայի երիտաասարդների չեմպիոն (տեսանյութ)

Ալբանիայի Դուրրես քաղաքում ընթացող Եվրոպայի երիտասարդների և մինչև 23 տարեկանների առաջնություններում պայքարն ավարտեցին 86 կգ քաշային աղջիկները։

Այս քաշային կարգում Հայաստանը ներկայացնող Էմմա Պողոսյանը պոկում վարժությունում 3-րդն էր՝ իրենից առաջ թողնելով թուրք մարզուհիներին։ Հրումում երիտասարդ ծանրորդը հավասարը չուներ ու 136 կգ արդյունքով նվաճեց փոքր ոսկե մեդալ, թարմացրեց Եվրոպայի ռեկորդներն ու կանգնեց պատվոհարթակի 1-ին հորիզոնականին։ Տեսանյութը՝ այստեղ։

Հիշեցնենք, որ այսօր՝ նոյեմբերի 3-ին, Հայաստանն այս առաջնությունում կունենա և 4 ներկայացուցիչ։

Ավելի վաղ Եվրոպայի երիտասարդների չեմպիոն էին հռչակվել Ալեքսանդրա Գրիգորյանը, Տիգրան Կարապետյանը։ Արծաթե մեդալ էին նվաճել Նարեկ Գրիգորյանը, Նարեկ Մկրտչյանը, բրոնզե մեդալ՝ Մերի Միսակյանը և Աննա Ամրոյանը։

Մ23 խմբում հաղթող էր ճանաչվել Գառնիկ Չոլակյանը, բրոնզե մեդալ էր նվաճել Գոռ Սահակյանը։