Լիանա Գյուրջյանը՝ Եվրոպայի փոխչեմպիոն․ Տաթև Հակոբյանը 4-րդն է

Քիշնևում ընթացող ծանրամարտի Եվրոպայի առաջնությունում պայքարի դուրս եկան 87 կգ քաշային կանայք։ Հայաստանն այս քաշային կարգում ներկայացնում էին Տաթև Հակոբյանն ու Լիանա Գյուրջյանը։

Տաթև Հակոբյանը պոկումում գրանցեց 110 կգ՝ արժանանալով փոքր արծաթե մեդալի։ Հակոբյանը երկամարտում գրանցեց 232 կգ արդյունքով և երկամարտում գրավեց 4-րդ տեղը։

Լիանա Գյուրջյանը պոկումում գրանցեց 106 կգ, հրումում՝ 140 և արժանացավ փոքր արծաթե մեդալի։ 22-ամյա ծանրորդուհին երկամարտու գրանցեկով 246 կգ արդյունք դարձավ Եվրոպայի փոխչեմպիոն։

Եվրոպայի չեմպիոն հռչակվեց Նորվեգիայի ներկայացուցիչ Սոլֆրիդ Կոանդան։ Օլիմպիական խաղերի չեմպիոնը երկամարտում գրանցեց 267 կգ արդյունք։

Հիշեցնենք, որ ավելի վաղ, Հայաստանի ներկայացուցիչներից չեմպիոնի կոչմանն արժանացել էր Գարիկ Կարապետյանը, արծաթե մեդալի էին նվաճել Ալեքսանդրա Գրիգորյանը, Գոռ Սահակյանը, Ռաֆիկ Հարությունյանը, Աննա Ամրոյանը, Սիմոն Մարտիրոսյանը, բրոնզե մեդալի՝ Գառնիկ Չոլակյանը,  Դավիթ Հովհաննիսյանը։

Վաղը մրցումային վերջին օրն է։ Հայաստանը կունենա 3 ներկայացուցիչ։ Կանանց 87+ կգ քաշային կարգում չեմպիոնի կոչման համար կպայքարեն Ջուլիետա Ավանեսյանն ու Մերի Թումասյանը, 109+ կգ տղամարդկանց պայքարում ոսկիների պաշարը կփորձի համալրել Վարազդատ Լալայանը։

Մեր մարզիկների ելույթների ուղիղ թարմացումները՝ մեր տելեգրամյան ալիքում։