Մերի Թումասյանն ու Ջուլիետա Ավանեսյանն ավարտեցին պայքարը Եվրոպայի ԵԱ-ում
Քիշնևում ընթացող ծանրամարտի Եվրոպայի առաջնությունում պայքարի դուրս եկան 87+ կգ քաշային կանայք։ Հայաստանն այս քաշային կարգում ներկայացնում էին Մերի Թումասյանն ու Ջուլիետա Ավանեսյանը։
Մերի Թումասյանն ավարտեց երկամարտի 214 կգ արդյունքով՝ 98+116 և զբաղեցրեց 5-րդ հորիզոնականը։
Ջուլիետա Ավանեսյանը պոկումում գրանցեց 86 կգ արդյունք ու չմասնակցեց հրում վարժությանը։ ։ Եվրոպայի չեմպիոն հռչակվեց Մեծ Բրիտանիայի ներկայացուցիչ Էմիլի Քեմբելը։ Նա գրանցեց 120+161 արդյունքն ու երկամարտի ոսկուց բացի նվաճեց նաև 2 փոքր ոսկի՝ առանձին վարժությունների համար։
