Ալբանիայի Դուրրես քաղաքում ավարտվեց Եվրոպայի երիտասարդների և մինչև 23 տարեկանների առաջնությունները։
Վերջինը մրցահարթակ դուրս եկան Մ23 խմբում հանդես եկող 110+ կգ քաշային տղամարդիկ, որտեղ Հայաստանը ներկայացնում էր Աշոտ Մովսիսյանը։
Հայ ծանրորդը պոկում վարժությունում 168 կգ արդյունքով 3-րդն է։ Հրումում Մովսիսյանը անգերազանցելի էր ու 216 կգով նվաճեց փոքր ոսկե մեդալ։ Երկամարտի 384 կգ արդյունքով Մովսիսյանը հռչակվեց Եվրոպայի չեմպիոն՝ կանգնելով պատվոհարթակի ամենավերին աստիճանին։
